Agerraldia egin du EH Bilduko Julen Arzuaga parlamentariak, euskal presoen urratsa baloratzeko. Adierazi duenez, oraingo erabakia iazko abenduan EPPK-k egindako adierazpenaren ondorio zuzena da. Alde horretaitk, presoak "emandako hitza betetzen" ari direla nabarmendu du Arzuagak. Gainera, era horretako pausoak politika eremutik "babestu" eta "lagundu" behar direla esan du. Era berean, presoen sakabanaketa salatu du, "indarkeria, sufrimendua eta mina dakarren inposizioa" delako. Bertan behera uzteko deia egin du, "herri honen gehiengoak" hala eskatzen duelako.
Josu Erkoreka Eusko Jaurlaritzako bozeramailea, bestalde, Radio Vitoriako elkarrizketa batean harrapatu du albisteak. Mikrofono aurrean adierazi duenez, euskal presoek hartutako bidea "aurrerapausoa" eta "baikorra" litzateke, betiere, "konfirmatuko balitz". Gainera, betez gero, presoek "duela hilabete askoko promesa" beteko luketela adierazi du.
Presoak banako espetxeko onurak eskatzen hasi direla konfirmatzen bada, aurrerapausoa izango litzateke @radio_vitoria@Boulevardeitb@Irekia
— Josu Erkoreka (@jerkoreka) November 13, 2014
