Prestige petroliontziaren epaiari helegitea jarriko dio Espainiako Gobernuak, Galiziako Xuntako presidente Alberto Nuñez Feijook iragarri duenez. Epaiak estatua libre utzi du ardura guztietatik, eta ontziaren arduradunak ere bai. Azken horrekin ez dago konforme PPren gobernua, auzitegiak bidea itxi baitio erantzukizun zibilari eta kalte-ordainak jasotzeari. Horregatik joko du auzitara.
Feijook jakinarazi du gaur bertan hitz egin duela Alberto Ruiz Gallardon Espainiako Justizia ministroarekin, eta hark baieztatu diola helegitea prestatzen ari direla. Estatuak hondartzak-eta garbitzen gastatutako dirua "itzultzea" nahi du.
