D3M eta Askatasuna auziaren epaiketa salatzeko protesta nagusia bihar Bilbon egingo den manifestazioa izango bada ere, atzo, epaiketaren lehenbiziko egunean ere lehen protesta ekitaldiak egin zituzten hainbat tokitan, auzia salatzeko eta auzipetutako hamahiru euskal herritarrei babesa eskaintzeko.
Gasteizen, esaterako, bi protesta ekintza egin zituzten. Lehenbizikoa eguerdian izan zen, Foruen plazan. Han elkarretaratuek giza-matrioska bat irudikatu zuten «epaiketa politikoa» salatzeko. Iluntzean, berriz, elkarretaratzea egin zuten Andre Mari Zuriaren plazan.
Protesta ekintzak Gernikako Juntetxera ere heldu ziren. Bizkaiko Batzar Nagusiak bilduta zeudela, Bildu koalizioko hautetsiak «epaiketa politikorik ez» idatzita zeukaten elastikoekin agertu ziren. Eztabaida ere piztu zen, Batzar Nagusietako lehendakari Ana Madariaga jeltzaleak kamisetak eranzteko edo kaleratu egingo zituztela mehatxu egin baitzien koalizioko hautetsiei. Horiek, azkenean, kamisetak erantzi egin zituzten, edo buelta eman zieten, idatzitako leloa irakurgai gera ez zedin.
Protestak kalean eta Batzar Nagusietan
Iruzkinak
Ez dago iruzkinik
Ordenatu
