PS alderdi sozialistak irabazi ditu Frantziako Legebiltzarrerako hauteskundeak, eta, gainera, Asanblea Nazionalean gehiengo osoa izango du. Sozilialistek 314 diputatu lortu dituzte (2007an 204). 289 aulki behar dira gehiengo osoa izateko.
UMP eskuindarra izan da bigarren indarra, 229 aulkirekin (2007an 320). Europe Ecologie-Berdeak koalizioak 17 lortu ditu, Ezkerreko Fronteak 10 (2007an Berdeen eta Ezkerreko Frontearen artean 24). FN eskuin muturrekoak 2 (batere ez 2007an), zentristen alderdiak 2 (batere ez 2007an).
Parte hartzea
Frantziako Barne Ministerioaren datuen arabera, Frantziako Legebiltzarrerako hauteskundeetako bigarren itzulian parte hartzea %56koa izan da. Sekula baino txikiagoa.
Duela bi hilabete presidentetzarako bozetan François Hollande PSko hautagaia nagusitu zen, Nicolas Sarkozy UMPkoaren aurrean.
