75 legebiltzarkideez gain, Euskal Herriko eta Espainiako politikagintzako eragile ugari joan dira Legebiltzarrera. Herritarrak ere asko gerturatu dira, eta kazetariak ere erruz.Guztira, 50 hedabideetako 200 ordezkari daude Ibarretxeren planaren aurkezpena jarraitzen, besteak beste Espainiatik, Frantziatik eta Alemaniatik etorritakoak.
Ondorioz, goizean goizetik nabaritu da mugimendua Eusko Legebiltzarraren bueltan. 9:00etarako bertan ziren politikari gehienak, baina Ibarretxeren agerraldia hasi aurretik kafetegian egon dira gehienak. Juan Mari Atutxa izan da bere eserlekuan esertzen aurrena, hamarrak hamar gutxi inguruan, eta bere atzetik eseri dira gainerakoak, pixkanaka-pixkanaka.
"Eusko Legebiltzarrean azken 20 urteotan egin den saiorik garrantzitsuena" dela esanez hasi du agerraldia Ibarretxek.
Ibarretxe planaren aurkezpena Eusko Legebiltzarrean
Puntualtasun handiz hasi du Ibarretxek bere agerraldia
Atzerapenik gabe, puntual hasi du Juan Jose Ibarretxe Eusko Jaurlaritzako lehendakariak bere plana aurkezteko agerraldia. Aurreikusi bezala, goizeko 10:00etan eman dio saioari hasiera Juan Mari Atutxak Eusko Legebiltzarreko presidenteak, eta berehala hasi da hizketan Ibarretxe. Euskaraz ekin dio lehendakariak han bildutako hirurehun lagun ingururi azalpenak ematen, eta pazientzia eskatu die bertaratutakoei, bere agerraldiak luze joko duela aurreratuz.
Iruzkinak
Ez dago iruzkinik
Ordenatu
