Radio Euskadiko goizeko saio nagusian egin du salaketa Jone Goirizelaia ezker abertzaleko kide eta Arnaldo Otegiren abokatuak. Hain zuzen ere, Otegiren auziari buruz ari ziren Bloulevard saioko solasaldian, eta han defentsa lerroari buruz esan diren zenbait gauza ez direla zuzenak salatzeko deitu du Goirizelaiak. Zuzenean sartzen utzi diote, eta aukera hori baliatu du Radio Euskadin ezker abertzaleari hitza debekatzen zaiola salatzeko.
Goirizelaiak agertu duenez, irrati publiko horretan ez dituzte ezker abertzaleko kide kualifikatuak elkarrizketatzen, eta, halaber, ez dituzte solasaldietara gonbidatzen. Aitzitik, ezker abertzaleari buruz etengabe hitz egiten dutela adierazi du, eta, ondorioz, egoera are eta larriagoa dela.
Azkenaldian EITBko langileek behin baino gehiagotan salatu dute zuzendaritzak ildo politiko estuak ezarri dituela, kazetaritzaren praktikaren kontra doazenak. Elkarretaratzeak eta kexa adierazpen publikoak ere egin dituzte.
Komunikabideak
Radio Euskadin ezker abertzaleari hitza galarazten zaiola salatu du Goirizelaiak
Arnaldo Otegiren defentsari buruz zenbait zehaztapen egiteko deitu du, eta zuzenean sartzen utzi diotela baliatu du bere kexa agertzeko. Azkenaldian EITBko langile eta zuzendaritzaren artean hainbat tirabira gertatu dira lerro politikoagatik.
Iruzkinak
Ez dago iruzkinik
Ordenatu
