Larunbateko bera esan du gaur Mariano Rajoy Espainiako gobernunuruak PPren ustezko ustelkeriaz: "Faltsua da dena". Larunbatean Madrilen mintzatu zen, PPko zuzendaritzako kideen aitzinean; gaur Berlinen, Angela Merkel Alemaniako kantzilerra ondoan zuela. "Dena faltsua" dela berretsi arren, aitortu du badela egiarik. Ez du zehaztu zer den benetakoa.
El Pais egunkariak lehengo astean Barcenas auzian argitaratutako agiri batzuen arabera, ezkutuko ordainketen bidez 11 urtez segidan 25.200 euro jaso zituzten Rajoyk eta PPko buruek.
Egoera zailean da Rajoy, baina esan du gaindituko duela, gobernuan segitzeko "gogoa, ilusioa, indarra, adorea eta erabakitasuna" dituela azaldu baitu Alemaniako agerraldian.
PP ekinbide judizialak hasi edo ez aztertzen ari dela gaineratu du.
