Rajoyk esan du akordiorako aukerarik ez dagoela «ETA desegin ezean»

MADRIL. Jaurlaritzaren eta Madrilgo gobernuaren arteko hartu-emanei buruz legealdian egindako lanaz balorazioa eskatu dio EAJk Rajoyri Espainiako Senatuan. Rajoyk esan du ETA ez bada desegiten ez dagoela akordiorako aukerarik: «Terrorismoaren aurka borrokatzea eta eraginkorrak izatea dagokigu». EAJk egotzi dio Rajoyri jarrera ezin itxiago batean gotortu izana eta gero eta gehiago urrundu izana ez zaizkiolako «ezberdintasuna eta pluraltasuna gustatzen».