Duela 15 urte ETAk hil zuenez geroztik, familiakoek eta lagunek urtero egiten diote omenaldia Ramon Diaz itsas komandantziako sukaldariari. Loiolatarra kirol elkarteak antolatzen duen ekitaldia aurten ere egin dute; argazki bat jarri dute, hiru lore sorta eta kandela batzuk. Donostiako Aralar kalean hil zuen ETAk Diaz, kotxean bonba jarrita, eta hildako toki berean oroitu dute, gaur, gertatuakoa.
Gaurko omenaldian, senitarteko eta lagunak ez ezik Donostiako Udaleko ordezkariak ere izan dira: Eneko Goia alkatea, Ernesto Gasco alkateordea eta Josu Ruiz eta Amaia Almirall EH Bilduko zinegoitziak.
