Indar txikiko bi lehergailu zartarazi zituen ETAk larunbatean: bat San Vicente de la Barqueran (Kantabria), eta, bestea, Ribadesellan (Asturias).
Eraso horiek zirela eta, "kutsu abertzaleko aldarrikapen guztiak baztertzeko" eskatu zion atzo Miguel Angel Revilla Kantabriako presidenteak Juan Jose Ibarretxe Jaurlaritzako lehendakariari, hartara, ETA desagerrazteko azken urratsa emateko. "ETArekin ezin da anbiguitatez jokatu, eta ezin zaio haren adar politikoari babesik eman", esan zuen, Jaurlaritzaren zeharkako aipamena eginez.
Revillaren adierazpen horiek suminduta hartu ditu Eusko Jaurlaritzak. Hain zuzen ere, lehendakaritzeko iturriek deitoratu egin dute gaur Kantabriako presidentearen jarrera "ETAren bonbak lehendakariaren ideiekin" nahastu zituelako. "Berriro ere alderdikeriaz erabili dute terrorismoa. Ezin dira gauzak nahastu, batik bat, denen artean irtenbideak topatu nahi baditugu", nabarmendu dute Lehendakaritzako iturriek.
ETAren atentatuak Kantabrian eta Asturiasen
Revillak "ETAren bonbak lehendakariaren ideiekin" nahastu izana deitoratu du Jaurlaritzak
ETAren larunbateko atentatuen kariaz Miguel Angel Revilla Kantabriako presidenteak egindako adierazpenek egonezina sortu dute Eusko Jaurlaritzan. Hain zuzen ere, Lehendakaritzako iturriek agertu dute Reviilak "ETAren bonbak lehendakariarekin ideiekin" nahasi dituela, eta lotura hori egitea guztiz deitoratzen dutela. Halaber, eraso horiek "alderdikeriaz" erabiltzea egotzi dio Jaurlaritzak Revillari.
Iruzkinak
Ez dago iruzkinik
Ordenatu
