Robert G. Edwards, Medikuntzaren Nobel saria in vitro ernalketako ikerketagatik

Robert G. Edward Erresuma Batuko ikerlariari (1925) eman diote 2010eko Medikuntzaren Nobel saria, in vitro ernalketaren garapenari buruz egindako lanagatik. 1950ean ekin zion ikerketa horri eta, haren arabera, "gizartean eragozpenak" izan zituen. In vitro ernalketaren ondorioz 1978an jaio zen lehen haurra.

Abenduaren 10ean emango dio saria Karolinska Institutuak Suedian, eta 1,1 milioi euro jasoko ditu. Datozen egunetan jakinaraziko dituzte Fisika, Kimika, Literatura, Bakea eta Ekonomiaren Nobel saridunak.