Ezker abertzaleak "Nazioarteko Egiaztatze Batzordearen osaketarekin nazioarteko komunitateak erakutsi duen inplikazio eta konpromisoa txalotu" du, taldea sortu izana "berri ona eta urrats sendo eta esanguratsua" dela iritzi dio, eta uste du batzordeko kideen "profil tekniko eta inpartziala azpimarragarria" dela.
Halaber, jakinarazi du Rufi Etxeberria eta Maribi Ugarteburu ezker abertzaleko ordezkariak batzordearekin bildu direla gaur.
