Neurri batean, ezustea izan da SAk Legebiltzarreko Erakunde eta Barne batzordean hartu duen jarrera. Azkenean, Jaurlaritzako hiruko Gobernuko alderdiek alde bozkatu dute, hau da, EAJk, EAk eta EBk (guztira 9 boto). PSEk eta PPk aurka (zazpi boto) eta SA abstenitu egin da ( bi boto).
Batzordea 18 lagunek osatze dute (9 Gobernukoak eta 9 oposiziokoak) eta SAk kontra bozkatu izan balu berdinketa gertatuko zatekeen. Kasu horretan, osoko bilkuraren arabera ponderatutako botoa aplikatuko litzateke, eta 36 boto izango lirateke proposamenaren aldekoak eta 39 kontrakoak. Abstentzioari esker, ordea, ez da ponderazioaren beharrik izan, eta aurrera atera da Legebiltzarreko lantaldean onartutako testua.
Nolanahi ere, Ibarretxeren Planari buruzko azken hitza hilaren 30ean emango du Eusko Legebiltzarreko osoko bilkurak. Bozketa horretan SAren abstentzioa ez da nahikoa izango proposamenak aurrera egin dezan.
SAko legebiltzarkide Arnaldo Otegik esan duenez, beren jarrera eztabaida bultzatzearen aldekoa delako erabaki dute abstentzioa.
Jaurlaritzaren estatutu proposamena
SA abstenitu denez, Ibarretxeren Plana aurrera atera da Eusko Legebiltzarreko batzordean
SA Sozialista Abertzaleak taldeak abstentzioaren hautua egin du, azkenean, Jaurlaritzaren Estatutu Proposamena bozkatu duen Eusko Legebiltzarreko batzordean, eta, ondorioz, proposamena aurrera atera da. Zehazki, zuzenketak eztabaidatu dituen Legebiltzarreko lantaldeak egindako txostena bozkatu dute. Nolanahi ere, hilaren 30ean Legebiltzarreko osoko bilkuran egingo da proposamenari buruzko behin betiko bozketa, eta orduan SAren abstentzioa ez da nahikoa izango.
Iruzkinak
Ez dago iruzkinik
Ordenatu
