SAHARAKO BANDERAK, ALDARRI

Uda Euskal Herrian igaro duten haur sahararrek, haiek hartu dituzten familietakoek eta beste hainbat herritarrek manifestazioa egin zuten atzo eguerdian Donostian, Sahararen okupazioa salatzeko. Donostiako alkate Juan Karlos Izagirrek parte hartu zuen ekitaldian. Ondarreta hondartzan abiatu zuten martxa, Saharako banderak eskuetan, eta Donostiako udaletxe aurrean amaitu zuten. Sahararrek beren herrietan bandera ere ezin dutela azaldu salatu zuten.