Juan Karlos Izagirre alkateak Mendebaldeko Saharara egindako bidaiaren harira antolatu dute ekitaldia Donostiako udaletxean. 12:00etan hasi da, eta udalbatzan haima bat jarri dute, tea banatzearekin batera. Joseba Apaolaza aktoreak egin ditu aurkezpen lanak. Musika ere izan da, Oreka Tx eta Aziza Brahimen eskutik.
Hassanna Aalia giza eskubideen ekintzailea ere bertan izan da. Espainiak asilo politikoa ukatu berri dio gazteari, nahiz eta bizi osoko kartzela zigorrera kondenatuta egon. Hassanna Aaliari bereziki eta oro har herri saharar osoari eskaini diote ekitaldia.
