PSE-EEko Donostiako Udaleko zinegotzi Denis Itxasok gogorarazi du errauste planta geratzeak 159,9 milioi euroko kalte-ordaina eragingo lukeela. «Baina hori bezain larria da Bilduk eragindako zalantzazko egoera. Nora eramango dituzte sortzen ditugun hondakinak? Udalak nola itzuliko lituzke errauste planta Donostian jartzeagatik jasotako 10 milioi euroak?», galdetu du Itxasok.
Errauste planta eraikiko ez balitz San Markoko zabortegia berriz ireki beharko litzatekeela uste du Itxasok. Hala, zabortegi hori berriro zabaltzeko asmoa ote duen galdetu dio Itxasok Donostiako alkate Juan Karlos Izagirreri: «Birziklatu edo zaborra gaika bildu arren, beti egongo da tratatu beharko den hondakin kopuru bat. Errausten ez bada, bide bakarra zabortegira botatzea da».
San Markoko zabortegia berriz irekiko ote duen galdetu dio PSE-EEk Bilduri
Iruzkinak
Ez dago iruzkinik
Ordenatu
