Gaur goizerako zeuden Poliziaren egoitzan deituta, Sanferminak 78 gogoan plataformaren pankartak leihoan izateagatik "estatuari irain" egin diotelakoan akusatuta dauden Iruñeko alde zaharreko bizilagunak. Twitter bidez Sanferminak 78 gogoan plataformak adierazi duenez, ordea, poliziaren aurrean deklaratzeari uko egin diete eta auzitegian soilik deklaratuko dutela erran dute.
Pasa den ortziralean zabaldu zen bizilagun batzuk Espainiako Gobernuak Nafarroan duen ordezkaritzaren jakinazpena jaso zutela deklaratzera joateko. "Estatuari irain" egin diotelakoan deitu dituzte deklaratzera. 1978ko sanferminetako gertaerak gogoratzeko eta salatzeko pankartak dira, eta Inpunitateari stop diote.
Pankarta hauek bere balkoietan jarri dituzen auzokideak komisaldegiatik pasa beharko dute datorren astean. pic.twitter.com/PdKEBUFnRf
— Sanfermines78gogoan (@SF78gogoan) 2018(e)ko uztailaren 13(a)
Aurten bete dira 40 urte Poliziak German Rodriguez hil zuela Iruñean.
