"Amaitu da kexu izateko eta pazientziaz itxaroteko garaia. Exijitzeko eta sortzaile izateko garaia heldu da", ohartarazi du desobedientziarako taldeak. Politikak ez diela herritarren beharrei erantzuten salatu, eta legebiltzar talde guztietako bozeramaileei "exijentzia" zehatzak egingo dizkietela jakinarazi dute. Lana, etxebizitza, osasuna, hezkuntza, elikadura, justizia eta demokraziaren inguruan egingo dituzte eskaerak.
Legebiltzarraren kanpoaldean protesta makila hotsekin egiteko deia egin die herritarrei, eta astelehenekoa ez dela "presio-neurri bakarra" izango jakinarazi dute. "Exijentziei erantzun ezean, Antigona Desobedientzia Zibileko taldeak aldarrikapena eta gizarte eraldaketa helburu duten hainbat jarduera egingo ditu datozen hileetan. Jarduerok ekintza txikietatik hasi, eta desobedientzia ekintza irmoetaraino helduko dira".
Politika
Santa Ageda bezperan Eusko Legebiltzarrera nor bere aginte makilarekin joateko deia egin dute
Antigona Desobedientzia Zibileko Taldeak dei egin die herritarrei Eusko Legebiltzarrera Santa Ageda makilekin joateko otsailaren 4an, 18:30ean. "Guztiok daukagu gure aginte makila, lehendakariari bat laga dioten arren. Edo herria aintzat hartzen dute erabakiak hartzeko, edo herriak bere erabakiak hartuko ditu". [Youtube]http://youtu.be/0pmMFAQI_Bc[/Youtube]
Iruzkinak
Ez dago iruzkinik
Ordenatu
