Santurtziko erasoan, gizonak labanaz eraso die 51 urteko emakumeari eta 28 urteko haren semeari, 10:00ak inguruan. Segurtasun Sailaren arabera, erasotzailearen bikotekidea litzateke emakumea. Ertzaintzak atxilotu egin du gizonezkoa.
Bestalde, erietxean jarraitzen du Lekeition larunbatean jipoitu zuten gizonezkoak. Iturri ofizialen arabera, larunbat goizaldeko 02:50 inguruan, gizonezko bat bikote batenagana hurbildu, eta adierazpen matxistak egin zizkion emakumeari. Harekin zihoan gizonak aurre egin zionean, lehenak labanaz eraso, eta zauriak eragin zizkion aurpegian. Ondorioz, Gurutzetako erietxera eraman behar izan zuten artatzera.
Beranduago, talde batek jipoitu egin zuen gaztea labanaz eraso zuen gizonezkoa. Ikerketa bat abiatu du Ertzaintzak gertatutakoa argitzeko.
