Sare euskal preso, iheslari eta deportatuen sare herritarrak sakabanaketa politikaren aurkako mobilizazioa antolatu du larunbat honetarako, Gasteizen. Datorren urtarrilaren 10ean Bilbon egingo den manifestazioa "astintzeko" asmoz, "lurrikara" egitera deitu du sare herritarrak Arabako hiriburuan. Astindu, mugitu, dispertsioa amaitu! lelopean antolatu dute mobilizazioa, arratsalderako, eta "parte hartzailea eta ezohikoa" izango dela iragarri dute. Xehetasun gehiagorik ez dute eman, baina, azaldu dutenez, atxikimenduak jasotzen ari dira, bestea beste, "eskalatzaile, sorgin eta saskibaloi taldeen eskutik". Babes horiek jada @saregasteiz Twitter profilean ikusgai daude. Mobilizazioa Desanparadas plazatik irtengo da, 18:30ean, eta Florida parkean amaituko da.
Bestetik, Sareko kideek urtarrilaren 10ean Bilbon sakabanaketa amaitzeko deitutako manifestazioan parte hartzeko deia egin dute. Gainera, manifestazio horretara joateko dei berezia egin diete gasteiztarrei, eta "erronka" jarri diete: sakabanatuta dauden Arabako 24 preso bakoitzeko autobus bat betetzea. Ostegunetik aurrera, autobusetarako txartelak salgai jarriko dituzte hiriko zenbait tokitan.
Euskal Presoak
Sarek sakabanaketaren aurka larunbatean "lurrikara" sortzera deitu du Gasteizen
Mobilizazioa “parte hartzailea" eta "ezohikoa” izango dela iragarri dute antolatzaileek.
Iruzkinak
Ez dago iruzkinik
Ordenatu
