Apiril eta maiatzeko Frantziako presidentetzarako hauteskundeetarako kanpaina egiteko asmoz, Nicolas Sarkozy (UMP) Frantziako gobernuburua bihar Baionan eta Itsasun (Lapurdi) izanen dela baieztatu dute gaur. Lehenik Itsasuko etxalde bat bisitatuko duela iragarri dute, 13:30ak aldera, eta arratsaldean Baionan izanen da.
UMPko arduradunen arabera, "Sarkozyren nahikeria ez da militanteekin elkartzea, herritarrengana hurbiltzea baizik". UMP64 federazioko gazteek Twitter bidez jakinarazi dute Baionan harrera eginen diotela.
11:00etan elkarretaratzea Itsasun
"Aterabide demokratikoa" aldarrikatzeko eta Sarkozyri "herritarren borondatea" errespetatzeko eskatzeko Itsasun elkarretaratze bat izanen da bihar, 11:00etan, bide nagusiko aparkalekuan. "Frantziako Estatua inplikatu behar da gatazkaren aterabidean", diote deialdiaren egileek.
