Sarkozyren aurkako protesta saihestea galarazi diote herritarrek Poliziari

Poliziak ez du bertan behera uzterik izan Frantziako presidente Nicolas Sarkozyren aurkako protesta bat, hogei bat herritarrek galarazi diotelako. Bizi mugimendu ekologistak pankarta bat jarri zuen atzo Baionan: Sarkozy ostiko batez Baionatik kanporatzen zuen pertsona bat irudikatzen zuen pankartak. Hainbat polizia bertaratu ziren pankarta kentzera, eta elkarteko kide bat atxilotzen ahalegindu ziren «estatuaren buruzagiari eraso» egitea egotzita, Bizi-ren arabera. Poliziaren furgonetaren aitzinean herritar ugari ezarri ziren orduan, atxilotutako pertsona askatzeko eskatuz eta adierazpen askatasunaren alde deiadar eginez. Bizi-ko kidea libre utzi zuten poliziek.