Seaskak "hitza betetzeko" eskatu dio Hezkuntza Akademiari, eta irakasle postu bat gehiago aldarrikatu du

Ipar Euskal Herriko ikastolen elkarte Seaskak hainbat elkarretaratze egin ditu gaur Hezkuntza Akademiarekin hitzarturiko 93 irakasle lanpostuetatik bat ez dietela onartzen salatzeko. 'Hitza hitz' lelopean egin diren elkarretaratzeetan 70 lagun bildu dira Baionan, 60 Donibane-Lohizunen, 30 Uztaritzen eta 60 Donapaleun, eta "hitzartutakoa betetzeko galdegiteaz gain", asteburu honetan Parisen egitekoa zen bilera azaroaren 12ra gibeleratu dutela salatu dute.