Berriozarreko atxiloketan
Segurola eta Aginaga ETAko ustezko kideak atxilotu zituzten etxeko jabea espetxeratzeko agindu du Andreu epaileak
David Cebrian Mayayo 33 urteko gaztea espetxean sartzeko agindua eman du Espainiako Auzitegi Nazionaleko epaile Fernando Andreuk. Espainiako Poliziak uztailaren 19an Joseba Segurola eta Ibai Aginaga ETAko ustezko kideak atxilotu zituen Berriozarko (Nafarroa) Lakoarte kaleko 16. zenbakian. Orduan, etxe horretako jabea bilatzeari ekin zion poliziak baina ez zuten aurkitu. Cebrian Auzitegi Nazionalean aurkeztu zen bere borondatez, eta Andreu epaileak kartzelan sartzeko agindu du, fiskalaren eskariz.
David Cebrianek Segurola eta Aginaga atxilotu zituzten etxeko jabea zela esan zion Andreu epaileari, eta etxebizitzako giltzak bi gazte horiei utzi zizkiela ere adierazi zion, ETAko kideak zirela jakinda. Halaber, ustezko ETAko bi kideei autoa utzi ziela ere azaldu zion Cebrianek epaileari, eta bi gazteak bitartekari baten bidez ezagutu zituela argitu zuen.
Iruzkinak
Ez dago iruzkinik
Ordenatu
