Sei gizonezko atxilotu dituzte Nafarroan, emakumeen kontrako indarkeriagatik

Nafarroako foruzainek sei gizonezko atxilotu dituzte azkeneko astean Antsoainen, Malerrekan, Tuteran, Murchanten eta Baztango herri batean -hemen bi; ez dute herria zehaztu non-, emakumeen kontrako indarkeria leporatuta.

Antsoainen 37 urteko gizonezkoa atzeman zuten atzo, bikotekidea jotzea leporatuta. Malerrekan 55 urtekoa atxilotu zuten atzo, emaztea jo zuelakoan. Tuteran 43 urtekoa atzeman zuten, emaztea jotzea egotzita, eta Murchanten 36koa, arrazoi beragatik. Baztanen igandean 27 urteko gizonezkoa atxilotu zuten; Elizondoko egoitzako foruzainek emakumezko bat artatu zuten, eta honek esan zien bikotekideak muturrekoa eman ziola, eta herri berean 29 urteko gizonezkoa ere atzeman zuten larunbatean, emaztea jo zuelako ustez.