Sei lagun zauritu dira Zumarragako saihesbidean izan den istripuan

Sei lagun zauritu dira bart goizaldean Zumarragako (Gipuzkoa) saihesbidean izan den errepide istripuan, haietatik bi larri. Jaurlaritzako Herrizaingo Sailak agertu duenez, goizeko lauak eta hogei aldera auto batek eta furgoneta batek elkar jo dute, parez pare.

Ordiziko eta Legazpiko suhiltzaileek atera behar izan dituzte ibilgailuetako bidaiariak. Esan bezala, sei lagun zauritu dira. Lau Zumarragako Ospitalean artatu dituzte, eta dagoeneko eman diete senda agiria. Beste bi, ordea, Donostiako Ospitalera eraman behar izan dituzte larri daudelako, eta han jarraitzen dute.