2009
2009-10-13. Arnaldo Otegi, Rafa Diez, Rufi Etxeberria, Sonia Jacinto, Arkaitz Rodriguez, Miren Zabaleta, Txelui Moreno, Amaia Esnal, Mañel Serra eta Ainara Oiz atxilotu zituzten.
2009-10-16. Otegi, Diez, Jacinto, Rodriguez eta Zabaleta kartzelatzeko agindu zuen Baltasar Garzonek. Etxeberria eta Oiz aske utzi zituen; Moreno, Esnal eta Serrari hamarna mila euroko bermea ezarri zien.
2009-11-08. Prozesu demokratikoaren alde idatzitako gutunaren berri eman zuten bost zigortuek, kartzelatik.
2009-11-14. Altsasun egindako agerraldi batean, «soilik bide politiko eta demokratikoak» erabiltzearen alde agertu zen ezker abertzalea.
2010
2010-2-14. Zutik Euskal Herria adierazpena kaleratu zuen ezker abertzaleak.
2010-4-26. Auzitegi Nazionalak Rafa Diez aske utzi zuen, 30.000 euroko bermea ezarrita.
2011
2011-2-07. Sortu alderdia aurkeztu zuen ezker abertzaleak, indarkeria irmo errefusatuta.
2011-6-27.Bateragune auziko epaiketa hasi zen. Euren apustua bide soilik politiko, baketsu eta demokratikoen aldekoa izan dela esan zuten akusatuek.
2011-9-16. Otegiri, Diezi, Jacintori, Rodriguezi eta Zabaletari kartzela zigorra ezarri zien Auzitegi Nazionalak —Diez hiru egunera espetxeratu zuten—. Esnal, Moreno eta Serra absolbitu egin zituen.
2011-10-20. ETAk amaitutzat eman zuen jardun armatua.
2012
2012-5-10. Zigor epaia berretsi zuen Auzitegi Gorenak.
2012-6-23. Gorenaren erabakiaren aurka babes helegitea aurkeztu zuten Konstituzionalean zigortuek. Auzitegiak 11 hilabetera onartu zuen tramiterako.
2013
2013-6-04. Auziko mamiaz erabaki artean zigortuak aske ez uztea erabaki zuen Konstituzionalak.
2014
2014-5-05. Zigorraren hiru laurdenak beteta eduki arren, Konstituzionalak ez zituen aske utzi Zabaleta, Jacinto, Rodriguez eta Otegi. Diez geroago kartzelatu zuten.
2014-7-22. Babes helegitea atzera botata, Zabaleta, Jacinto, Rodriguez eta Otegi preso mantentzea erabaki zuen Konstituzionalak. Zigor osoa bete arte.
2015-10-12. Zigorra beteta, aske atera ziren Zabaleta, Jacinto eta Rodriguez.
2015-10-15. Otegi askatzeko eskatu zuten 24 europarlamentarik Free Otegi, free them all kanpainaren barruan.
2015-10-18. Milaka lagun elkartu ziren Donostian, Arnaldo eta Rafa askatu! Politika askatu! lelopean egindako manifestazioan.
2015-10-19. Arnaldo Otegi aske uzteko eskatu zuten Irlandan hainbat arlotako pertsona ezagunek.
2015-12-15. Otegi eta gainerako euskal presoak askatzeko eskatu zuten Ekuadorren, 
29 lagun ezagunek.
2016
2016-01-19. Free Otegi, Free Them All kantua aurkeztu zuten Euskal Herriko hainbat musikarik.
