2010ean Askapenaren kontra egin zuten polizia operazioaren ostean —zortzi lagun atxilotu zituzten— iritsi da fiskalaren kalifikazioa: seina urteko espetxe zigorra eskatu du Askapenako bost kiderentzat, eta legez kanpo uztea haren jarduna. Horrez gain, Bilboko Askapeña konpartsa, Herriak Aske eta Elkartruke elkarteak legez kanpo uzteko eta desegiteko eskatu du fiskalak.
Oraindik, ez dago epaiketarako datarik.
