Sendatu ondoren, lan politikora itzuli da Maria San Gil

Maria San Gil PPko buruzagiak prentsaurrekoa emango du bihar Donostian, hiru hilabete eta erdiz jendaurreko agerraldirik egin gabe egon ostean. Bularreko minbizia antzeman zioten San Gili, eta apirilaren 18an berak jakinarazi zuen gaixotasunaren ondorioz lan politikoa utziko zuela zenbait hilabetez. Minbiziak pronostiko ona zuela eta sendatzeko itxaropentsu azaldu zen agerraldi hartan. Tratamendua eginda, bihar itzuliko da jardun politikora.