Presoen hurkoen izenean Itziar Arruartek eta Ainhoa Landabereak hitz egin dute gaur goizean, eta salatu dute Sevilla II espetxean euskal presoen oinarrizko eskubideak urratzen jarraitzen dutela. Sevilla II-ko presoek hilabeteko gose greba egin berri dute euren egoera salatzeko, baina egoera ez dela aldatu salatu dute, eta azpimarratu dute bakartzeek, miaketek, jipoiek eta osasun arretarik ezak etenik ez dutela.
Presoen senideek salatu dute espetxe politika ez dela garai berrira egokitu. Horregatik, sakabanaketaren amaiera eta "salbuespen politiken" amaiera eskatu dute. Helburu horrekin, hilaren 28an Martuteneko espetxera egingo den martxan parte hartzera deitu dute.
