Manifestazioa egin dute Iruñeko Donibane auzoan, azken asteetan izandako sexu erasoak salatzeko. Bihar zortzi gertatu zen salatutako azken erasoa, goizaldean; San Roke kalean eraso egin zioten 20 urteko emakume bati, eta bi gizon atzeman zituzten, 26 eta 21 urtekoak. Kartzelara bidali zituen epaileak.
Auzotarrek antolatu dute manifestazioa. Horrelako erasoen aurrean auzoan erantzun "irmoa" eman behar dela nabarmendu dute. Emakumeen egoera ekarri dute gogora: "Ez da posible emakume izateagatik alde guztietara begiratu behar izatea ezer gerta ez dakigun".
