Donostiako Piratek 11 erasoren berri izan zuten atzo 24 orduan. Horren aurka, jaiguneak itxi eta egun osoko egitaraua bertan behera uztea erabaki zuten goizean. Arratsaldean, milaka herritar mobilizatu ziren Donostiako Piratek eta mugimendu feministak antolatu zuten manifestazioan. Gauean, piraten kofradia guztietako kideek giza katea egin zuten Flamenka eta Kaimingaintxo jaiguneen inguruan, piraten gunea espazio segurua izan dadila aldarrikatzeko.
Flamenka gunea espazio segurua izan dadin, esparrua inguratu dute @izanpirata -k harresi bat osatuz. @berriapic.twitter.com/QHWZ2tBDWI
— Maider Galardi F. Agirre (@MaiderGalardi) August 14, 2019
Giza katearen ondoren, herritar talde batek manifestazio zaratatsua egitea erabaki zuen Parte Zaharreko kaleetan barrena. Mobilizazio jendetsua izan da. Gaztelubide elkartearen parera iritsi denean, manifestazioak talka egin du elkarteak abuztuaren 14ko gauerdian egin ohi duen Festara kantaldiarekin. Eneko Goia Donostiako alkatea emanaldia ikusten ari zelako joan zen protesta hara. Piratek eta mugimendu feministak izan diren sexu erasoei aurre egiteko "erantzukizuna" hartzeko eskatua zioten udalari arratsaldeko manifestazioan. Gaztelubide elkarteak ez ditu emakumeak onartzen bere bazkideen artean, eta elkartearen lokalerako sarrera mugatua dute.
Giza katean, Parte Zaharrean barrena abiatu dira gero, aldarri arbi batekin: "Erasorik ez erantzunik gabe!" pic.twitter.com/ppaQnd3waS
— Iñaki Agirre (@ikiagirre) August 15, 2019
Azken ordua ðŸÂÂÂÂÂÂÂÂÂÂŽ¥ Donostian, Gaztelubide Elkartean, Eneko Goia alkatea bertan zegoela, “festara” kantatzen hasi behar zutenean, hainbat herritarrek txistuekin erantzun dute hirian izandako 10 eraso sexisten aurrean ardurak eta neurriak hartzeko eskatuz #11gaurpic.twitter.com/zTQDTdvVKx
— Hamaika Telebista (@HamaikaTb) August 14, 2019
Hori dela eta, gauerdian, mobilizazioan zeuden ehunka herritar Gaztelubide elkartera joan dira, haiek protestan ari ziren bitartean alkatea elkarteko abesbatzaren emanaldian zegoelako
— Iñaki Agirre (@ikiagirre) August 15, 2019
Nabarmentzekoa: Gaztelubide elkarteak ez ditu emakumeak onartzen bere bazkideen artean pic.twitter.com/LzOw7IhE39
Gaztelubide elkartekoak kantuan ari zirela, zenbait ikuslek manifestarien jarrera arbuiatu dute, eta tentsio uneak izan dira.
Tentsio uneak bizi dira. Gaztelubideren emanaldia ikusten ari ziren hainbat herritar protestan ari zirenei oldartu zaizkie
— Iñaki Agirre (@ikiagirre) August 15, 2019
Manifestariek bultzadak, kolpeak eta irainak jasan dituzte pic.twitter.com/ifYZwi4DsD
Gaztelubide elkartearen ekitaldia amaitu denean, manifestazioak aurrera egin du. Parte Zaharreko Ikatz eta Fermin Calbeton kaleak igaro ditu, jai giroan jende gehien biltzen dituzten guneak baitira horiek. Elkartasunez, hainbat tabernak manifestazioarekin bat egin dute, eta tabernak itxi dituzte.
Zuzenketa: Albistearen aurreko bertsio batean argitaratu dugu Eneko Goia alkatea Gaztelubide elkarteko kidea dela, baina ez da elkarte horretako kide. Era berean, argitaratu dugu han afaltzen ari zela zioen informazioa zabaldu zela. Alkatea ez zen elkartean afaltzen izan. Kantu emanaldia ikusten izan zen elkartearen kanpoaldean.
