Soldata jaitsiko dute Bilboko alkateak eta zinegotziek

BILBO. Soldata jaistea adostu dute Bilboko alkateak eta zinegotziek: %7 gutxiago kobratuko dute hemendik aurrera. Ezohiko osoko bilkura bat egin zuten atzo, jaitsiera onartzeko; Bilboko Udalean ordezkaritza duten alderdi guztiek —EAJk, PPk, Bilduk eta PSEk— egin zuten haien soldatak murriztearen alde. Murrizketa kontuan hartu gabe, 96.399,72 euro kobratzen du urtean Bilboko alkate Iñaki Azkunak.