"Auzian hartu diren erabaki guztiak funts juridikorik gabekoak dira, eta oinarrizko eskubideak urratzen dituzte", esan dute Pernando Barrenak eta Amaia Izkok Donostian emandako prentsaurreko batean.
Haien arabera, Espainiako Estatuaren helburua Euskal Herriko mugimendu subiranistak martxan jarritako "bake prozesua deuseztatzea" da, "baina, mina eragiteko gaitasuna erakutsi duten arren, bakearen etsaiek ezingo dute geldiarazi dagozkigun eskubide guztiak berreskuratzeko apustua".
Estatuarekin "hausteko" beharra azaldu du Sortuk, eta uste du gero eta jende eta eragile gehiago dagoela bide horren alde.
