Gaur goizaldean sua piztu da Irungo Luis de Uranzu kaleko etxe batean, eta bi lagun zauritu dira kea arnastuta. Ertzaintzak jakinarazi duenez, 02:15ean piztu da sua, bosgarren pisu batean. Suhiltzaileek solairu horretako eta gaineko bizilagunak aterarazi ditu.
Zaurituetako bat kalean bertan artatu dute, baina bestea Bidasoa ospitalera eraman behar izan dute. Gainontzeko bizilagunek euren etxeetara itzuli ahal izan dute sua itzaldu ostean. Nola piztu den sua ikertzen ari dira.
