Supersur irekitzean, ibilgailu astunek ezingo dute erabili Bilbon A-8a

Supersur zabaltzen dutenean, Bizkaiko Foru Aldundiak debekatu egingo die ibilgailu astunei A-8ko Bilboko zatia erabiltzea. Zehazki, ezingo dira pasatu Larraskitu eta Gurutzeta artetik, eta bide zati hori soilik ibilgailu arinek erabili ahal izango dute. Hala, kamioilariek bi aukera izango dituzte: Txorierriko korridorea erabiltzea (egun dohainik da) edo Bilboko Hegoaldeko saihesbidea hartzea (bidesaria izango du). Neurri hori Supersur zabaltzean jarriko dute indarrean. Udaberrian irekitzea aurreikusi du diputazioak. Hain zuzen, garraiolariak Supersurreko bidesariaren aurka azaldu dira, eta dohainik izateko eskatu dute.