PSOEk PSNri Yolanda Barcina Nafarroako Gobernuko presidentearen kontrako zentsura mozioa aurkeztu edo babestea galarazi eta gero, erabaki horrekin kritiko den sektorean hasi dira dimisioak. Susana Perez zuzendaritzako kideak kargua utziko du, eta ez du baztertu alderdia bera uztea.
"Lotsatuta" sentitzen dela azaldu du Perezek, eta ez dakiela "iruzurra" PSOEk edo PSNk egin duen. Nolanahi ere, argudiatu du ez duela indarrik PSNren zuzendaritzan jarraitzeko.
"Ez dut politika egiteko modu honetan sinesten", adierazi du. 2011ko azaroaz geroztik da PSNko kidea; "Rajoyren garaipenaren ostean" afiliatu zen alderdian, eta gaineratu du Cascanteko Udalean lanean "gustura" ari delako ez duela utzi alderdia.
