Sute batek utzitako etxe bat kiskali du, Asteasun

Asteasuko (Gipuzkoa) utzitako etxe batean bart sutea izan da eta, horren ondorioz, etxea kiskalita geratu da. Ez du kalte pertsonalik sortu. Suhiltzaileek eta Asteasuko Udalak esan dutenez, etxean egurra gordetzen zuten.



Herriko parte zaharrean dago eraikina, Iturri kaleko 3. zenbakian, eta gaueko hamabiak pasatxoan sortu zen sutea. Dena dela, ondoko eraikineko bizilagunek ez zuten etxea utzi beharrik izan.

Suhiltzaileak gau osoan bertan egon dira, sua berriro piztu ez zedin zaintza lanak egiten.