SUTE HANDI BAT PIZTU DA SORAURENEN

Sute handi samarra sortu zen atzo arratsaldean Soraurenen (Ezkabarte, Nafarroa). Basoan piztu zen sua, eta ketza handia sortu zen; Iruñetik ere ikusi zuten. Hiruko eskalan bigarren mailakotzat jo zuen Nafarroako Gobernuak, eta laguntza eskatu zion Espainiako Gobernuari. Iruñeko, Tafallako, Oronozko eta Zangozako suhiltzaileak joan ziren garrak itzaltzera, hegazkinekin batera. Beroak eraginda, indar handia hartu zuten garrek, eta edizio hau ixtean itzaltzekoa zuten.