Pepsi enpresak Tafallan duen pabiloiak su hartu du gaur eguerdian. Foruzainek jakinarazi dutenez 12:28an piztu da, Abako industrialdean, eta langileek euren kabuz atera ahal izan dute; ez dago zauriturik. Pabiloi hori eta ondokoa, ordea, kiskali egin dira.
Dirudienez teilatuan lanean ari zirela piztu da sua, sugar batekin. Tafallako, Azkoiengo eta Cordovillako suhiltzaileak bertaratu dira, foruzain eta guardi zibilekin batera. Sua itzali dute bi orduren buruan.
