BAIONA. Duela bi hilabete, Baionako bestetan, 46 urteko gizonezko bat hil zen zafraldi bat bildu ondoan; etxera sartzen ari zela, ate aitzinera iristean hiru gizonek sartzea trabatu zioten; galdetu zienean handik mugitzeko, jo egin zuten behin eta berriz, bortizki. Handik zenbait egunetara hil zen gizona, Baionako ospitalean. Atzo, sei gizon eta emazte bat atxilotu zituzten gertaera horiekin lotuta: hiru Essonnen (Frantzia), Paris ondoan, eta besteak Bretainian.
Adierazi dute ustezko hiltzaileak ihes egiten lagundu dituztelakoan atxilotu dituztela horietako batzuk. Atxilotuak 21 eta 27 urte artekoak dira, Presse Océan hedabidean arabera. Baionako prokuradoreak baieztatu du atxiloaldian daudela. Datozen egunetan Baionako auzitegira ekarriko dituzte epailearen aitzinetik pasatzeko.
Talde bat atxilo Baionako hilketarekin lotuta
Iruzkinak
Ez dago iruzkinik
Ordenatu