Bizkaibuseko zerbitzua ematen duen TCSA enpresako langileek lan etena egin dute gaur goizean. 07:30etik 09:30era ez dute lanik egin. Langile batzordearen arabera, "erabatekoa" izan da lanuztea. Arratsaldean, beste bi orduz egingo dute etena: 18:00etatik 20:00etara.
Astelehenean hasi zituzten protestak, lan hitzarmen baten alde. Ituna adosteko negoziazioetan jarrerak "apur bat" gerturatu dituztela adierazi dute sindikatuek eta zuzendaritzak. Hala ere, langile batzordeko presidente Oscar Bajok esan du oraindik gai ugari dituztela adosteko.
Datorren astelehenerako eta maiatzaren 2, 6, 7, 9, 13, 14, 16, 20 eta 21erako ere iragarri dituzte lanuzteak. TCSA enpresak 600 langile ditu.
