Teilatu konponketan zebilen langile bat larri zauritu da Bedian, aldamiotik erorita

Zortzi metroko altueratik erori da langile bat Bedian (Bizkaia), aldamio batean baserri batean igota teilatu bat konpontzen ari zela.

Ertzaintzak agertu duenez, 11:20 aldera gertatu da ezbeharra: 34 urteko J.L.G. Barroeta auzoko baserri batean ari zen lanean, teilatua konpontzen, oraindik argitzeke dauden arrazoiak tarteko, teilatutik erori denean.

Oso larri zauritu da, eta, ondorioz, Osakidetzako helikoptero batean eraman dute ezbeharra gertatu den lekutik Barakaldoko BECeko helioportura, eta handik anbulantzian Gurutzetako erietxera.

Bedia bertakoa da istripua izan duen J.L.G.