Nafarroako Parlamenturako hauteskundeen ondoren, lehen bilera izan dute Eusko Legebiltzarreko eta Nafarroako Parlamentuko presidenteek, Gasteizen. Bakartxo Tejeriak eta Ainhoa Aznarezek EAEko Kontzertu Ekonomikoa eta Nafarroako Ituna auzitan jartzea salatu dute, eta haien defentsa egin dute. "Ez da pribilegio bat, eskubide bat da", adierazi dute biek ala biek.
Horrez gain, legealdi honetan elkarlanean aritzeko borondatea agertu dute bi parlamentuetako presidenteek. "Izan dadila hasiera eta jarraipen bat elkarlanerako", esan du Tejeriak. "Ziur nago bion arteko elkarlana izugarria izango dela, bai eta gure herrien arteko elkarlana ere", gaineratu du Aznarezek.
eusko legebiltzarra-nafarroako parlamentua
Tejeriak eta Aznarezek bat egin dute Itunaren eta Kontzertuaren defentsan
EAEko eta Nafarroako legebiltzarretako presidenteek lehen bilera ofiziala egin dute, Gasteizen.
Iruzkinak
Ez dago iruzkinik
Ordenatu
