Tejeriak programarik gabe gobernatzea egotzi dio PSEri

175 konpromiso eta 610 ekimen. Atzo, EAJk baduela programa nabarmendu zuen Bakartxo Tejeria Eusko Legebiltzarreko lehendakarigai jeltzaleak Getxon: «Guk hitza bete egiten dugu, ez beste batzuek bezala». Jeltzaleen kontrako muturrean kokatu zuen PSE-EE, hiru urtez «programarik gabeko gobernua» gidatu duelakoan: «Gobernutik desgobernura pasatu gara, hazkundetik atzeraldira. Sozialistek ez diote erantzunik eman herri honi. Euren kudeaketa txarraren jakitun dira, eta horregatik ezkutatzen dute». EH Bilduri, aldiz, koherentzia falta leporatu zion: «Nola eska dezake erakunde bat gobernatzea, 30 urtezerakunde horri zilegitasuna ukatu badio?».