Telesforo Monzonen Olaso dorrean jaioa

Martin Garitano Telesforo Monzonek Bergaran zeukan Olaso dorrean sortu zen, Martxelo Otamendi BERRIAko zuzendariak aurkezpenean aipatu zuen bezala. «Halaxe da, han jaio nintzen, nire ama bezala», baieztatu zuen. Martin Garitanok gogoratu zuenez bera da Bergarako bigarren ahaldun nagusia. Kazetaritzan egindako ibilbideaz gain, Martxelo Otamendik musikazaletasuna eta bidaiak lotu zituen ahaldun nagusiaren aurkezpenena egitean. Hala, Nepalen zegoela tronpeta bat —«saxofoi bat», zuzendu zion Garitanok— erosi zuenekoa ekarri zuen gogora. Edo Pekingo Tianamen plaza famatuan Oi ama Euskal Herri goxua kantua jo zuela bertako kafetegi bateko pianoan.