Santa Maria de Garoñako (Burgos, Espainia) zentral nuklearrak akats bat izan zuen atzo iluntzean: 21:17etan generadore nagusiaren tentsio erregulatzailea gaizki funtzionatzen hasi zen, eta, ondorioz, erreaktorea geratu egin zen eta zentrala argindar saretik kanpo geratu zen. Hala jakinarazi du Garoñako zentrala kudeatzen duen Nuclenor enpresak.
Tentsio erregulatzaileko matxura konpontzen dutenean berriro zentrala argindar sarera lotuko dutela iragarri du Nuclenorrek. Joan den irailaren 26an beste akats bat izan zuen, eta orduan ere programatu gabeko geraldia izan zen.
Espainiako zentral nuklearrik zaharrenetakoa da Garoñakoa, eta ekologistek hainbatetan salatu dute teknologia erabat zaharkitua duela eta arrisku handikoa dela. Euskal Herritik oso hurbil dago, eta, ondorioz, gurean ere sarritan egin egin da salaketa hori eta Garoña eraisteko eskaera.
Gizartea
Tentsio erregulagailuan matxura izan du Garoñako zentral nuklearrak
Erreaktorea geratu egin da, eta argindar saretik kanpo geratu da zentrala. Irailaren 26an beste akats bat izan zuen.
Iruzkinak
Ez dago iruzkinik
Ordenatu
