Tentsio uneak izan dituzte gaur iluntzean Antsoainen, Nafarroan, abortatzeko eskubidearen aurkako pertsona batzuk arrosarioa errezatzera joan direnean. Iruñeko artzapezpiku Francisco Perez buru zutela, abortuak egiten dituen klinikaren atarian bildu da talde bat. Ostiralero egiten dute gisa bereko ekintza bat, baina gaurkoak aparteko esanahia hartu du; Espainiako Gobernuak lege erreforma proposatu zuen gaur zortzi, eta artzapezpikua bera joan da gaur arrosarioa errezatzera.
Abortatzeko eskubidearen aldeko pertsona batzuk ere joan zaizkie, ordea. Tentsio uneak izan dira. Guardia zibilak ere joan dira. Arrosarioa errezatuta, abortuaren eskubidearen aurkakoek Guardia Zibilak babestuta alde egin dute.
