Ertzaintzak terrorismoa goratzea leporatu die Santurtziko bederatzi herritarri, txosnagunean presoen argazkiak erakusteagatik. Atzo 19:30ak aldean agertu ziren txosnagunera presoen argazkiak kentzera.
Lekukoen arabera, Ertzaintzak istiluen aurkako materialarekin eta burua estalita agertu ziren; hiru txosnen barnealdea grabatu zuten eta dozena lagun inguru identifikatu zituzten. Lekuko hauek azaldu dutenez, Ertzaintzak borrak erabiliz kargatu zuen eta horren ondorioz pertsona batek beso bat hautsi du eta beste batek kolpeak ditu.
