50 bat eragilek torturaren aurka Donostian gaur zortzi izango den manifestazioan parte hartzeko dei egin dute. Haien artean dira ezker abertzalea, EA, Aralar, AB, Alternatiba edota LAB.
Tortura bukatzeko eskatu dute, baita atxiloaldiko inkomunikazio egoera ere. Erakunde publikoek horretarako konpromisoa agertu beharko luketela uste dute.
17:30ean hasiko da manifestazioa, Torturarik ez lelopean, Antiguako tuneletik.
Hain zuzen, martxa horren bezperan amaituko da Donostiako Epaitegian Igor Portu eta Mattin Sarasolaren ustezko torturak direla-eta hamabost guardia zibilen aurkako epaiketa -bihar hasiko da-. 2008ko urtarrilaren 6an atxilotu zituen Guardia Zibilak, Arrasaten, ETArekin lotura zutelakoan. Biharamunerako Portu Donostiako erietxera eraman zuten: kolpeak, hiru saihets puskatuta edota birika zulatua zituen, eta, mediku txostenaren arabera, nabarmenak ziren tortura zantzuak. Sarasolak eta Portuk tortura salaketak jarri zituzten.
tortura
Torturaren aurkako atxikimendu ugari
Donostiako gaur zortziko manifestazioan parte hartzeko dei egin dute 50 bat eragilek. Etzi hasiko da Igor Portu eta Mattin Sarasolaren ustezko torturak direla-eta hamabost guardia zibilen aurkako epaiketa.
Iruzkinak
Ez dago iruzkinik
Ordenatu
